പനങ്ങാങ്ങര(മലപ്പുറം): പ്രമുഖ മത പണ്ഡിതനും സൂഫീവര്യനുമായ മൂര്യാട് ഹംസ മുസ്‌ലിയാര്‍ (75)അന്തരിച്ചു. ഇന്നു രാവിലെ മലപ്പുറം പനങ്ങാങ്ങരയിലെ സ്വവസതിയിലായിരുന്നു നിര്യാണം.

പ്രമുഖ സൂഫീവര്യനും ആത്മീയനേതാവുമായ കണ്യാല അബ്ദുല്ല മൗലായുടെ ശിഷ്യനാണ്. ആയിരക്കണക്കിനു പേര്‍ക്ക് ആത്മീയ മാര്‍ഗനിര്‍ദേശം നല്‍കിയും ആത്മീയ മജ്ലിസുകള്‍ക്ക് പ്രാര്‍ഥനാ നേതൃത്വം നല്‍കിയും വരുന്ന ഇദ്ദേഹം നിരവധി ശിഷ്യന്‍മാരുള്ള ഗുരുവര്യനാണ്.

1977 മുതല്‍ കണ്ണൂരിലെ മൂര്യാട് ജുമാമസ്ജിദില്‍ ദര്‍സ് നടത്തിവരികയാണ്. മലപ്പുറം പനങ്ങാങ്ങര ഗവ.യു.പി സ്‌കൂളിന് സമീപമുള്ള വീട്ടില്‍ ജനാസ നിസ്‌കാരങ്ങള്‍ നടക്കുന്നു. ഖബറടക്കം ഇന്നു രാത്രി ഒമ്പതിന് പനങ്ങാങ്ങരക്കടുത്ത് വേളൂര്‍ ജുമാമസ്ജിദിന് സമീപം നടക്കും.