നീലേശ്വരം: കരുവാച്ചേരിയില്‍ ബസും ഓട്ടോറിക്ഷയും കൂട്ടിയിടിച്ചു രണ്ടു പേര്‍ക്കു പരുക്കേറ്റു. ഓട്ടോയില്‍ സഞ്ചരിക്കുകയായിരുന്ന ചെറുവത്തൂര്‍ പുതിയകണ്ടത്തെ ജ്യോതി (30), ചെറുവത്തൂര്‍ തെക്കേവളപ്പില്‍ ഷീല (50) എന്നിവര്‍ക്കാണു പരുക്കേറ്റത്.
ഇന്നലെ രാവിലെ ഒന്‍പതോടെയായിരുന്നു അപകടം. കാഞ്ഞങ്ങാട് ഭാഗത്തേക്കു പോകുകയായിരുന്ന സ്വകാര്യ ബസ് അതേ ഭാഗത്തേക്കു പോകുകയായിരുന്ന ഓട്ടോറിക്ഷയില്‍ ഇടിക്കുകയായിരുന്നു.
ഇടിയുടെ ആഘാതത്തില്‍ ബസ് റോഡരികിലേക്കു ചെരിഞ്ഞു.
പരുക്കേറ്റവരെ തേജസ്വിനി സഹകരണ ആശുപത്രിയില്‍ പ്രവേശിപ്പിച്ചു.