മലപ്പുറം
രാഷ്ട്രീയ നിലപാടുകൾ വേറെ, സൗഹൃദം വേറെ എന്ന് കെ.ടി ജലീലിന്റെ ഫേസ്ബുക്ക് പോസ്റ്റ്. പി.കെ കുഞ്ഞാലിക്കുട്ടിയുമായി കുറ്റിപ്പുറത്തെ വ്യവസായിയുടെ വീട്ടിൽ രഹസ്യ ചർച്ച നടത്തിയെന്ന വാർത്തകൾക്കു പിന്നാലെയാണ് ഇതു സംബന്ധിച്ച് ജലീലിന്റെ കുറിപ്പ്. പൊതുരംഗത്തുള്ളവർ പരസ്പരം കാണുന്നതിലും സംസാരിക്കുന്നതിലും അസ്വാഭാവികമായി ഒന്നുമില്ലെന്നും അദ്ദേഹം സൂചിപ്പിച്ചു. ഇടതുപക്ഷ രാഷ്ട്രീയത്തിന് കരുത്ത് പകരലാണ് സമകാലിക സാഹചര്യത്തിൽ ചിന്തിക്കുന്നവരുടെ ധർമം. ന്യൂനപക്ഷ സമുദായങ്ങളും അധഃസ്ഥിത പിന്നോക്ക വിഭാഗങ്ങളും ഈ യാഥാർഥ്യം മനസിലാക്കി ഒറ്റക്കും കൂട്ടായും ശരിയായ ദിശയിലേക്ക് വരുന്നുണ്ടെന്നും അദ്ദേഹം ഫേസ്ബുക്ക് പോസ്റ്റിൽ കുറിച്ചു.