ന്യൂഡല്‍ഹി: കര്‍ഷക സമരവുമായി ബന്ധപ്പെട്ട ടൂള്‍കിറ്റ് കേസില്‍ കഴിഞ്ഞയാഴ്ച അറസ്റ്റിലായ ആക്ടിവിസ്റ്റ് ദിശ രവിയെ ഒരു ദിവസത്തെ പൊലിസ് കസ്റ്റഡിയില്‍ വിട്ടു. ബംഗളൂരുവില്‍ വച്ചാണ് ദിശ രവി അറസ്റ്റിലായത്.

പരിസ്ഥിതി പ്രവര്‍ത്തക ഗ്രേറ്റ തുന്‍ബര്‍ഗ് ട്വിറ്ററില്‍ പങ്കുവച്ച കര്‍ഷക സമരത്തിന്റെ ടൂള്‍കിറ്റ് നല്‍കിയതിനു പിന്നില്‍ ദിശ രവിയാണെന്ന് ചൂണ്ടിക്കാട്ടിയായിരുന്നു അറസ്റ്റ്. ടൂള്‍കിറ്റ് നിര്‍മിക്കാന്‍ ഖാലിസ്ഥാനി അനുകൂല സംഘടനയായ പോയറ്റിക് ജസ്റ്റിസ് ഫൗണ്ടേഷനുമായി ദിശ സഹകരിച്ചെന്നും പൊലിസ് പറയുന്നു.