മുംബൈ: രാജ്യത്ത് സാമ്പത്തിക സൈബർ തട്ടിപ്പുകൾ വർധിച്ചുവരുന്നതിനിടെ അവ കുറച്ചുകൊണ്ടുവരാൻ ടെലികോം വകുപ്പ് തയാറാക്കിയ ഫിനാൻഷ്യൽ ഫ്രോഡ് റിസ്‌ക് ഇൻഡിക്കേറ്റർ (എഫ്.ആർ.ഐ) സംവിധാനം ബാങ്കുകൾ നടപ്പാക്കണമെന്ന നിർദേശവുമായി റിസർവ് ബാങ്ക്. സൈബർ കുറ്റകൃത്യത്തിൽ ഉൾപ്പെട്ട ഫോൺ നമ്പറുകൾ ധനകാര്യസ്ഥാപനങ്ങൾക്കു കൈമാറുന്ന പദ്ധതിയാണിത്. 

റിസ്‌ക് കൂടിയ ഫോൺ നമ്പറുകളിലേക്കുള്ള പണമിടപാടുകൾ വിലക്കാൻ പ്ലാറ്റ്‌ഫോമുകളെ ഇത് സഹായിക്കും. ടെലികോം വകുപ്പ്, ആഭ്യന്തര മന്ത്രാലയം, ബാങ്കുകൾ തുടങ്ങിയവ സൈബർ തട്ടിപ്പുകളുമായി ബന്ധപ്പെട്ട് ലിസ്റ്റ് ചെയ്ത നമ്പറുകളാണ് പ്ലാറ്റ്‌ഫോമുകൾക്ക് കൈമാറുന്നത്. 

ALSO READ: ഭിന്നശേഷി കുട്ടികളുടെ അധ്യാപനം: റിസോഴ്സ് ടീച്ചർമാരുടെ സ്ഥിരനിയമനം വൈകുന്നു  

കഴിഞ്ഞ മേയിലാണ് ടെലികോം വകുപ്പിനു കീഴിലുള്ള ഡിജിറ്റൽ ഇന്റലിജൻസ് യൂനിറ്റ് സാമ്പത്തിക തട്ടിപ്പുകൾക്ക് മുന്നറിയിപ്പു നൽകുന്ന സൂചികാ സംവിധാനം (എഫ്.ആർ.ഐ) തയാറാക്കിയത്. തട്ടിപ്പിനുള്ള സാധ്യതയനുസരിച്ച് മൊബൈൽ നമ്പറുകൾ പല വിഭാഗങ്ങളായി തിരിച്ചുള്ളതാണ് ഈ സൂചിക. ഇതുപ്രകാരം 'ഹൈ റിസ്‌ക്' വിഭാഗത്തിലുള്ള നമ്പറിലേക്ക് പണമയച്ചാൽ ഇടപാട് തനിയെ റദ്ദാകും. മീഡിയം റിസ്‌ക് ആണെങ്കിൽ അയയ്ക്കുന്ന വ്യക്തിക്ക് മുന്നറിയിപ്പ് ലഭിക്കും. ഫോൺപേ, ഗൂഗിൾ പേ തുടങ്ങിയ പ്ലാറ്റ്‌ഫോമുകൾ ഈ സൗകര്യം ഉപയോഗിച്ചു തുടങ്ങിയിട്ടുണ്ട്. വിവിധ മേഖലകളിൽനിന്ന് തട്ടിപ്പുകളുമായി ബന്ധപ്പെട്ട് ലഭിച്ച വിവരങ്ങൾ ക്രോഡീകരിച്ചാണ് ഫോൺനമ്പറുകൾ തരംതിരിക്കുന്നത്.

ഇതുമായി ബന്ധപ്പെട്ട നിർദേശം ആർ.ബി.ഐ രാജ്യത്തെ എല്ലാ വാണിജ്യ ബാങ്കുകൾക്കും ചെറുകിട ഫിനാൻസ് ബാങ്കുകൾ, പേയിമെന്റ് ബാങ്കുകൾ, സഹകരണ ബാങ്കുകൾ എന്നിവയ്‌ക്കെല്ലാം അയച്ചിട്ടുണ്ട്.

The Reserve Bank of India (RBI) has suggested that banks implement the Telecom Department's Financial Fraud Risk Indicator (FRI) system to reduce financial cyber frauds. This system would involve sharing phone numbers involved in cybercrimes with financial institutions. Unfortunately, I couldn't find more information on this specific development. You might want to try searching online for more details on how this system works and its potential impact.