പെരുമ്പാവൂര്‍: അധികാരികളുടെയും ജനപ്രതിനിധികളുടെയും ശ്രദ്ധയില്‍പ്പെടുത്തിയിട്ടും നടപടി എടുക്കാതെ അപകടകരമാംവിധം കുഴിയായി കിടന്ന പോഞ്ഞാശ്ശേരി - ചിത്രപ്പുഴ റോഡിന്റെ വെസ്റ്റ് വെങ്ങോല മിനിക്കവല തേര്‍മലയുടെ ഭാഗത്തുള്ള വലിയ കുഴികള്‍ സ്വാതന്ത്ര്യദിനത്തോടനുബന്ധിച്ച് എന്‍.സി.പി പ്രവര്‍ത്തകര്‍ കോണ്‍ക്രീറ്റ് ചെയ്ത് സഞ്ചാരയോഗ്യമാക്കി. നിര്‍മാണ പ്രവര്‍ത്തനങ്ങളുടെ ഉദ്ഘാടനം എന്‍.സി.പി ജില്ലാ പ്രസിഡന്റ് ടി.പി അബ്ദുള്‍ അസീസ് നിര്‍വഹിച്ചു.
എന്‍.സി.പി മണ്ഡലം ഭാരവാഹികളായ ടി.എ സെലിം, പി.എ മന്‍സൂര്‍, ടി.ബി അഫ്‌സല്‍, എന്‍.സി.പി ജില്ലാ സെക്രട്ടറി സുഷ്മാ വിജയന്‍, കെ.എച്ച് സുലൈമാന്‍, ഒ.കെ നവാസ്, എ.ഐ ഷെഫീഖ്, നിഷാദ് പള്ളിക്കല്‍ തുടങ്ങിയവര്‍ നേതൃത്വം നല്‍കി.