നോയിഡ
ഉത്ത‍‍ർപ്രദേശിൽ അവസാനഘട്ട തെരഞ്ഞെടുപ്പിന് മുന്നോടിയായി എസ്.പി പ്രചാരണം കൊഴുപ്പിക്കാൻ ബം​ഗാൾ മുഖ്യമന്ത്രി മമതാ ബാനർജി വീണ്ടുമെത്തുന്നു.
പ്രധാനമന്ത്രി നരേന്ദ്ര മോദിയുടെ വാരണാസിയിൽ എസ്.പി അധ്യക്ഷൻ അഖിലേഷ് യാദവും ആർ.എൽ.ഡി അധ്യക്ഷൻ ജയന്ത് ചൗധരിയും നയിക്കുന്ന റാലിയിൽ മമത ഇന്ന് പങ്കെടുക്കും. പടിഞ്ഞാറൻ യു.പിയിൽ എസ്.പിയുടെ പ്രധാന സഖ്യകക്ഷിയാണ് ആർ.എൽ.ഡി. വാരണാസി ഉൾപ്പെടുന്ന മണ്ഡലങ്ങളിൽ ഈ മാസം ഏഴിനാണ് ഏഴാം​​ഘട്ട തെരഞ്ഞെടുപ്പ് നടക്കുന്നത്. 10നാണ് ഫലപ്രഖ്യാപനം. നേരത്തെ ആദ്യഘട്ട പ്രചാരണങ്ങളുടെ ഭാ​ഗമായി ലഖ്നൗവിൽ മമതയും അഖിലേഷും സംയുക്ത വാർത്താസമ്മേളനം നടത്തിയിരുന്നു.