ജിദ്ദ: ജിദ്ദ തുറമുഖത്തു നിന്നും മയക്കു മരുന്ന് ഗുളികകൾ പിടികൂടി. ഒന്നര കോടിയിലധികം വരുന്ന മയക്കുമരുന്ന് ഗുളികകൾ രാജ്യത്തേക്ക് കടത്താനുള്ള ശ്രമമാണ് കസ്റ്റംസ് തകർത്തത്. ലെബനൻ തലസ്ഥാനമായ ബെയ്റൂട്ടിൽ നിന്ന് രാജ്യത്തേക്ക് കൊണ്ടുവന്ന "മുന്തിരി" ചരക്കിനുള്ളിൽ ഗുളികകൾ ഒളിപ്പിച്ച നിലയിലായിരുന്നു കണ്ടെത്തിയത്.

     കസ്റ്റംസിന് ജനറൽ അഡ്മിനിസ്ട്രേഷൻ ഫോർ നാർക്കോട്ടിക്സ് കൺട്രോളുമായി സഹകരിച്ച് ചരക്ക് സ്വീകർത്താക്കളെ നിയന്ത്രിക്കാൻ കഴിഞ്ഞതായി അധികൃതർ അറിയിച്ചു.

    ദിവസങ്ങൾക്ക് മുമ്പ്, കാപ്റ്റഗൺ ഗുളികകൾ കടത്താനുള്ള രണ്ട് ശ്രമങ്ങളെ കസ്റ്റംസ് തകർത്തിരുന്നു. രണ്ട് ദശലക്ഷത്തിലധികം ഗുളികകൾ തുറമുഖത്തിലൂടെ രാജ്യത്തേക്ക് കൊണ്ടുവന്ന രണ്ട് ചരക്കുകളിൽ ഒളിപ്പിച്ച നിലയിലാണ് കണ്ടെത്തിയിരുന്നത്.