കൊച്ചി: കലൂരിലെ ഹോട്ടലില്‍ ഒന്നരവയസ്സുകാരിയെ ബക്കറ്റില്‍ മുക്കി കൊലപ്പെടുത്തിയ സംഭവത്തില്‍ പിടിയാലായ പ്രതിക്കുമാത്രമാണ് കൃത്യത്തില്‍ പങ്കെന്ന് പൊലിസ്. പള്ളുരുത്തി സ്വദേശി ജോണ്‍ ബിനോയ് കുഞ്ഞിന്റെ പിതൃത്വത്തെചൊല്ലിയുള്ള തര്‍ക്കത്തിലാണ് ഹോട്ടലിലെ ബക്കറ്റില്‍ മുക്കി നോറ മരിയ എന്ന കുഞ്ഞിനെ കൊലപ്പെടുത്തിയതെന്നാണ് പൊലിസ് പറയുന്നത്. ഈ സമയം മുത്തശ്ശി ഹോട്ടലിനു പുറത്തായിരുന്നു.
അതേ സമയം കുഞ്ഞിന്റെ മാതാവ് സംഭവമറിഞ്ഞ് വിദേശത്തുനിന്നെത്തിയിട്ടുണ്ട്. മൂത്ത കുട്ടിയെ ഇവര്‍ക്കൊപ്പം പൊലിസ് വിട്ടയച്ചു. മുത്തശ്ശിയെയും ചോദ്യം ചെയ്തശേഷം പൊലിസ് വിട്ടയച്ചു. അല്‍പസമയത്തിനകം കുഞ്ഞിന്റെ മൃതദേഹം സംസ്‌ക്കരിക്കും.
പോസ്റ്റുമോര്‍ട്ടത്തില്‍ ശ്വാസകോശത്തില്‍ വെള്ളം കണ്ടെത്തിയതിനെ തുടര്‍ന്നാണ് മരണത്തില്‍ സംശയം തോന്നി മുത്തശ്ശിയെയും ആണ്‍ സുഹൃത്തിനെയും പൊലിസ് കസ്റ്റഡിയിലെത്ത് ചോദ്യം ചെയ്തത്. പിടിയിലായ പ്രതി നിരവധി ക്രിമിനല്‍ കേസുകളില്‍ പ്രതിയാണെന്ന വാര്‍ത്തയും പുറത്തുവന്നിട്ടുണ്ട്. കേരളത്തെ ഞെട്ടിച്ച വാര്‍ത്തയുടെ നടുക്കത്തിലാണ് കൊച്ചി നഗരവും മലയാളികളും.