കോഴിക്കോട്: പേരാമ്പ്രയില്‍ യു.ഡി.എഫ് സ്ഥാനാര്‍ഥിയെ പ്രഖ്യാപിച്ചു.യു.ഡി.എഫ് സ്വതന്ത്ര സ്ഥാനാര്‍ഥിയായി സാമൂഹ്യപ്രവര്‍ത്തകന്‍ ഡോ. സി.എച്ച് ഇബ്‌റാഹിംകുട്ടി മത്സരിക്കും. മുസ്‌ലിം ലീഗ് സംസ്ഥാന പ്രസിഡന്റ് സയ്യിദ്‌ ഹൈദരലി ശിഹാബ് തങ്ങളാണ് പ്രഖ്യാപനം നടത്തിയത്. സ്ഥാനാര്‍ഥിത്വത്തെ പിന്തുണയ്ക്കുന്നതായി ശിഹാബ് തങ്ങള്‍ അറിയിച്ചു.

പേരാമ്പ്ര കടിയങ്ങാട് സ്വദേശിയാണ് ഇബ്‌റാഹിംകുട്ടി. എംഎസ്എഫ് ജില്ലാ മുൻ ജോയിന്‍റ് സെക്രട്ടറിയാണ്. ലോക കേരള സഭ അംഗവും വിദ്യാഭ്യാസ പ്രവർത്തകനുമാണ്. വിദ്യാഭ്യാസ മേഖലയിൽ പ്രവർത്തിക്കുന്ന പേരാമ്പ്ര 'റീസെറ്റി'ന്‍റെ സ്ഥാപകനും ചെയർമാനുമാണ് ഇദ്ദേഹം.