കോട്ടയം: ജില്ലയില്‍ നാളെ ആരംഭിക്കുന്ന ഹയര്‍സെക്കന്‍ഡറി തുല്യത ഒന്നാം വര്‍ഷ ക്ലാസിന്റെ ഉദ്ഘാടനം സര്‍വ്വശിക്ഷാ അഭിയാന്‍ ഹാളില്‍ ജില്ലാ പഞ്ചായത്ത്  പ്രസിഡന്റ് ജോഷി ഫിലിപ്പ് നിര്‍വഹിക്കും.
രാവിലെ 11.30ന് നടക്കുന്ന ചടങ്ങില്‍ വൈസ് പ്രസിഡന്റ് മേരി സെബാസ്റ്റ്യന്‍ അധ്യക്ഷത വഹിക്കും. ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി അദ്ധ്യക്ഷന്‍ അഡ്വ. സണ്ണി പാമ്പാടി മുഖ്യപ്രഭാഷണം നടത്തും. 10-ാം ക്ലാസ്, 10-ാം തരം തുല്യത എന്നിവ പാസായിട്ടുളള 549 പേരാണ് രജിസ്റ്റര്‍ ചെയ്തിട്ടുളളത്. കൊമേഴ്‌സ്, ഹ്യൂമാനിറ്റിസ് വിഷയങ്ങളിലാണ് ക്ലാസ്. പരീക്ഷ, ഫലപ്രഖ്യാപനം, സര്‍ട്ടിഫിക്കറ്റ് വിതരണം ഹയര്‍ സെക്കന്‍ഡറി ഡയറക്‌ട്രേറ്റാണ് നടത്തുക. കോഴ്‌സില്‍ ചേരുന്നതിന് രജിസ്റ്റര്‍ ചെയ്തിട്ടുളളവര്‍ നാളെ   രാവിലെ 10ന് എത്തിച്ചേരണമെന്നു സാക്ഷരത മിഷന്‍ ജില്ലാ കോ-ഓര്‍ഡിനേറ്റര്‍ ഡോ. വി.വി മാത്യു അറിയിച്ചു.