കോതമംഗലം: എസ്.കെ.എസ്.എസ്.എഫ് സന്നദ്ധ വിഭാഗമായ വിഖായയുടെ ജില്ലാ ട്രെയ്‌നിങ് ക്യാംപ് നാളെ രാവിലെ എട്ട് മുതല്‍ വൈകിട്ട് എട്ട് വരെ കോതമംഗലം പല്ലാരിമംഗലം കൂവള്ളൂര്‍ പി.എം.എസ്.എ പൂക്കോയ തങ്ങള്‍ മെമ്മോറിയല്‍ യു.പി സ്‌കൂള്‍ ഓഡിറ്റോറിയത്തില്‍ നടക്കും.
ക്യാംപ് എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ ഉദ്ഘാടനം ചെയ്യും. സമസ്ത ജില്ലാ വൈസ് പ്രസിഡന്റ് അബ്ദുള്ള ബാഖവി പതാക ഉയര്‍ത്തും. വിഖായ ജില്ലാ ചെയര്‍മാന്‍ നിയാസ് മുണ്ടംപാലം അധ്യക്ഷത വഹിക്കും. ഷെഫീഖ് ദാരിമി മലപ്പുറം, ഷമിം ഫൈസി മഞ്ചേരി, റഷീദ് ഫൈസി വെള്ളായിക്കോട്, ഡോ. അമീറലി, ഡോ. വിനു വര്‍ഗീസ്, എന്നിവര്‍ വിവിധ സെഷനുകളില്‍ ക്ലാസുകള്‍ക്ക് നേതൃത്വം നല്‍കും.
സമാപന സമ്മേളനം എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി ഉദ്ഘാടനം ചെയ്യും. തെരഞ്ഞെടുക്കപ്പെട്ട വിഖായ അംഗങ്ങള്‍ കൃത്യസമയത്ത് എത്തിച്ചേരണമെന്ന് വിഖായ ജില്ലാ കണ്‍വീനര്‍ ഹബീബ് ഈട്ടിപ്പാറ അറിയിച്ചു.