തിരുവനന്തപുരം: മംഗലപുരത്ത് പൊലീസിനുനേരെ വീണ്ടും ബോംബേറ്. ആക്രമിച്ചത് യുവാവിനെ തട്ടിക്കൊണ്ടുപോയ സംഘത്തിലെ മുഖ്യപ്രതി ഷെഫീഖ്. ഷെഫീഖിനെ കസ്റ്റഡിയിലെടുക്കാന്‍ വീട്ടിലെത്തിയപ്പോഴായിരുന്നു ആക്രമണം. സമാന ആക്രമണം ഉച്ചയ്ക്കുമുണ്ടായിരുന്നു. ഷെഫീഖിന്റെ സഹോദരനും അമ്മയും പിടിയിലായിരുന്നു.

വീട്ടില്‍ തിരിച്ചെത്തിയെന്ന വിവരം കിട്ടിയതിന്റെ അടിസ്ഥാനത്തില്‍ ഷെഫീക്കിനെ പിടികൂടാന്‍ വീണ്ടും പൊലീസെത്തിയപ്പോഴായിരുന്നു രണ്ടാമത്തെ ആക്രമണം. അതിനിടെ ലഹരിവസ്തുക്കള്‍ അടങ്ങിയ ബാഗ് പൊലീസ് പിടിച്ചെടുത്തു.