വെള്ളറട: 33 കെ.വി ലൈന്‍ ട്രാന്‍സ്‌ഫോമറിനു ചുറ്റും വിറക് അടുക്കിവച്ചത് അപകട സാധ്യത വര്‍ധിപ്പിക്കുന്നു. പനച്ചമൂട്ടില്‍ വേങ്കോടിലേക്കു തിരിയുന്ന റോഡരികിലാണ് സംഭവം.
ട്രാന്‍സ്‌ഫോമറിനു സമീപത്തുള്ള ഹോട്ടലിനു വേണ്ടിയുള്ള വിറകുശേഖരമാണിത്. ചെറിയ തീപ്പൊരിയുണ്ടായാല്‍ അത്യാപത്താണ് സംഭവിക്കുക. വിറക് കത്തിയാല്‍ ട്രാന്‍സ്‌ഫോമര്‍ പൊട്ടിത്തെറിക്കുകയും ലൈനുകള്‍ കത്തിയമരുകയും ചെയ്യും. ട്രാന്‍സ്‌ഫോമറിനു ചുറ്റും വിറകു കൂട്ടിയിടുന്നത് അടിയന്തരമായി നീക്കം ചെയ്യാന്‍ പൊലിസും പഞ്ചായത്ത് അധികൃതരും യാതൊരു നടപടിയും സ്വീകരിക്കുന്നില്ല എന്നാണ് ആക്ഷേപവും ഉയരുകയാണ്.