തിരുവനന്തപുരം: കണ്‍സ്യൂമേഴ്‌സ് ഫെഡറേഷന്‍ ഓഫ് ഇന്ത്യയുടെ രജത ജൂബിലി ആഘോഷങ്ങള്‍ക്കു നാളെ തുടക്കമാകും.
തൈയ്ക്കാട് ഗാന്ധി ഭവനില്‍ രാവിലെ 10ന് വൈദ്യുതി വകുപ്പ് മന്ത്രി കടകംപള്ളി സുരേന്ദ്രന്‍ ആഘോഷ പരിപാടികള്‍ ഉദ്ഘാടനം ചെയ്യുമെന്നു കണ്‍സ്യൂമേഴ്‌സ് ഫെഡറേഷന്‍ ഓഫ് ഇന്ത്യ ദേശീയ ജനറല്‍ സെക്രട്ടറി പ്രൊഫ. ആര്‍. ഹരിദാസ് വാര്‍ത്താസമ്മേളനത്തില്‍ അറിയിച്ചു. വി.എസ് ശിവകുമാര്‍ എം.എല്‍.എ മുഖ്യാതിഥിയായിരിക്കും. തുടര്‍ന്നു നടക്കുന്ന ഉപഭോക്തൃ സെമിനാറിന്റെ ഉദ്ഘാടനം ഒ. രാജഗോപാല്‍ എം.എല്‍.എയും കലാ സാംസ്‌കാരിക പരിപാടികളുടെ ഉദ്ഘാടനം പെരുമ്പുഴ ഗോപാലകൃഷ്ണനും നിര്‍വഹിക്കും. വാര്‍ത്താസമ്മേളനത്തില്‍ കണ്‍സ്യൂമേഴ്‌സ് ഫെഡറേഷന്‍ ഓഫ് ഇന്ത്യ ദേശീയ വനിതാ ചെയര്‍പേഴ്‌സണ്‍ ഡോ. രമാഹരിദാസ്, ജില്ലാ പ്രസിഡന്റ് പാലോട് വാസുദേവന്‍, ജില്ലാ ട്രഷര്‍ ഇറയംകോട് വിക്രമന്‍ തുടങ്ങിയവര്‍ പങ്കെടുത്തു.