ആലംകോട്: വിദ്യഭ്യാസ രംഗത്ത് കേരളം ഇതരസംസ്ഥാനങ്ങള്‍ക്ക് മാതൃകയാണെന്ന് ബി. സത്യന്‍ എം.എല്‍.എ. സാങ്കേതികവിദ്യയിലും ഉന്നത വിദ്യാഭ്യാസ രംഗത്തും കേരളം ബഹുദൂരം മുന്നിലാണ്. പൊതുജനങ്ങളുടെയും സര്‍ക്കാരിന്റെയും കൂട്ടായ പ്രയത്‌നവും സഹകരണവുമാണ് ഇതിന്റെ പിന്നില്‍. ആലംകോട് സര്‍ക്കാര്‍ വെക്കേഷനല്‍ ഹയര്‍ സെക്കന്‍ഡറി സ്‌കൂളിന്റെ പുതിയ മൂന്നു നില കെട്ടിടത്തിന്റെ തറക്കല്ലിടല്‍ കര്‍മം നിര്‍വഹിച്ച് സംസാരിക്കുകയായിരുന്നു അദ്ദേഹം.
കരവാരം പഞ്ചായത്ത് പ്രസിഡന്റ് ദീപ എസ്. അധ്യക്ഷയായി. കിളിമാനൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് കെ. സുഭാഷ്, മെമ്പര്‍ ജുനൈനാ ബീഗം നസീര്‍, പി.ടി.എ പ്രസിഡന്റ് സജ്ജാദ്, പ്രിന്‍സിപ്പല്‍ മദീന. എസ്, ആലംകോട് ഹസന്‍, ഹെഡ്മിട്രസ് സലീന. കെ, ഷിബു, സന്തോഷ്, റാഫി, അന്‍വര്‍ എന്നിവര്‍ സംബന്ധിച്ചു.