തിരുവനന്തപുരം
മനഃപൂർവമായി ഓരോ ദിവസവും കുത്തിരിപ്പുണ്ടാക്കാനും മാധ്യമങ്ങളിൽ വ്യാജവാർത്ത വരുത്താനും സമൂഹമാധ്യമങ്ങളിൽ തെറ്റായ പ്രചരണം നടത്താനും ഒരു സംഘം പ്രവർത്തിക്കുന്നുണ്ടെന്ന് പ്രതിപക്ഷ നേതാവ് വി.ഡി സതീശൻ മാധ്യമപ്രവർത്തകരോട് പറഞ്ഞു. കോൺഗ്രസ് നേതാക്കളെ അപകീർത്തിപ്പെടുത്തുകയും പാർട്ടിയെ ദുർബലപ്പെടുത്തുകയും ചെയ്യുന്നത് ഇവരാണ്. ഇക്കാര്യം പാർട്ടി അച്ചടക്ക സമിതി പരിശോധിക്കുകയും കർശന നടപടി സ്വീകരിക്കുകയും ചെയ്യും. ജി 23 നേതാക്കൾ പറഞ്ഞ കാര്യങ്ങൾ വർക്കിങ് കമ്മിറ്റി രണ്ടുതവണ പരിശോധിക്കുകയും തെരഞ്ഞെടുപ്പ് പ്രഖ്യാപിക്കുകയും ചെയ്തു. തെരഞ്ഞെടുപ്പ് കഴിയുമ്പോൾ പുതിയ അധ്യക്ഷനുണ്ടാകുമെന്ന് പാർട്ടി അഖിലേന്ത്യാ നേതൃത്വം വ്യക്തമാക്കിയിട്ടുണ്ടെന്നും സതീശൻ പറഞ്ഞു.