ന്യൂഡല്‍ഹി: ഡല്‍ഹി നിയമസഭയില്‍ ബി.ജെ.പിക്കും പ്രധാനമന്ത്രി നരേന്ദ്ര മോദിക്കുമെതിരെ ആഞ്ഞടിച്ച് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. 'ഹിറ്റ്‌ലര്‍ പോലും തന്റെ പാവം കുഞ്ഞുങ്ങള്‍ക്ക് ജോലി നല്‍കി, മോദി നിങ്ങള്‍ക്ക് എന്താണ് തന്നത്. കെജ്‌രിവാള്‍ നിങ്ങള്‍ക്കായി പ്രവര്‍ത്തിക്കുന്നു.

നിങ്ങളുടെ കുടുംബത്തിലെ ആര്‍ക്കെങ്കിലും അസുഖമുണ്ടെങ്കില്‍, കെജ്‌രിവാള്‍ നിങ്ങള്‍ക്ക് മരുന്ന് നല്‍കുന്നു, മോദിയല്ല. നിങ്ങളുടെ കണ്ണുകള്‍ തുറക്കുക, ബി.ജെ.പി വിട്ട് എ.എ.പിയില്‍ ചേരുക' കെജ്‌രിവാള്‍ ചോദിച്ചു. 'ദി കശ്മീര്‍ ഫയല്‍സ്' സിനിമ നികുതി രഹിതമാക്കണം എന്ന ബി.ജെ.പി എം.എല്‍.എമാരുടെ ആവശ്യത്തെയും കെജ്‌രിവാള്‍ കടന്നാക്രമിച്ചു.

'നിങ്ങള്‍ എന്തിനാണ് ഞങ്ങളോട് ഇത് നികുതി രഹിതമാക്കാന്‍ ആവശ്യപ്പെടുന്നത് നിങ്ങള്‍ക്ക് അത് താല്‍പ്പര്യമുണ്ടെങ്കില്‍, അത് യുട്യൂബില്‍ ഇടാന്‍ വിവേക് അഗ്‌നിഹോത്രിയോട് ആവശ്യപ്പെടുക. എല്ലാം സൗജന്യമായിരിക്കും. എല്ലാവര്‍ക്കും ഇത് ഒരു ദിവസം കൊണ്ട് കാണാന്‍ കഴിയും''അദ്ദേഹം പറഞ്ഞു.