തിരുവനന്തപുരം: വെഞ്ഞാറമൂട്ടില്‍ സി.പി.എം സി.പി.ഐ പ്രവര്‍ത്തകര്‍ തമ്മില്‍ സംഘര്‍ഷം. സി.പി.ഐ തൊഴിലാളി സംഘടന എ.ഐ.ടി.യു.സിയുടെ നേതൃത്വത്തില്‍ നടത്തിയ പ്രകടനം സി.പി.എം തൊഴിലാളി സംഘടനയായ സി.ഐ.ടി.യുവിന്റെ പന്തലിന് സമീപം എത്തിയപ്പോഴാണ് സംഘര്‍ഷമുണ്ടായത്.

ഇരു തൊഴിലാളി സംഘടനകളും വെവ്വേറെ പന്തല്‍ കെട്ടിയാണ് പണിമുടക്ക് നടത്തുന്നത്. സി.ഐ.ടി.യുവിന്റെ പന്തലിന് മുമ്പിലൂടെ കടന്നുപോയ എ.ഐ.ടി.യു.സി പ്രവര്‍ത്തകര്‍ ഉച്ചത്തില്‍ മുദ്രാവാക്യം വിളിച്ചതോടെയാണ് ഇരു വിഭാഗങ്ങളും തമ്മില്‍ വാക്കുതര്‍ക്കമുണ്ടായത്.

സി.പി.എമ്മും സി.പി.ഐയും വെവ്വേര മത്സരിക്കുന്ന സ്ഥലമാണ് വെഞ്ഞാറമൂട്. ഇരുവിഭാഗത്ത് നിന്ന് കല്ലേറ് നടന്നു. പ്രദേശത്ത് സംഘര്‍ഷാവസ്ഥ നിലനില്‍ക്കുന്നുണ്ട്.