മംഗലപുരം: മംഗലപുരത്ത് പണിമുടക്കു ദിവസം പ്രവര്‍ത്തിച്ച പെട്രോള്‍ പമ്പ് സമരാനുകൂലികള്‍ അടിച്ചുതകര്‍ത്തു. ഉച്ചയ്ക്കുശേഷം രണ്ടരയോടെ പ്രതിഷേധവുമായി എത്തിയ ഇരുപത്തഞ്ചോളം പേര്‍ ചേര്‍ന്നാണ് അക്രമം നടത്തിയത്.

പമ്പ് ഓഫിസിന്റെ ജനല്‍ച്ചില്ലുകളും വാതിലിന്റെ ചില്ലും അടിച്ചുതകര്‍ക്കുകയായിരുന്നു. സമരാനുകൂലികളുടെ പ്രതിഷേധത്തിനു പിന്നാലെ പമ്പ് അടച്ചു. അക്രമം നടത്തിയവര്‍ക്കെതിരെ കേസ് എടുക്കുമെന്ന് പൊലീസ് അറിയിച്ചു.