എറണാകുളം : നടി ആക്രമിക്കപ്പെട്ട ദൃശ്യങ്ങള്‍ കണ്ടിട്ടില്ലെന്ന് ദിലീപ്. എറണാകുളം പൊലീസ് ക്ലബില്‍ വെച്ച് ഇന്ന് നടത്തിയ ചോദ്യം ചെയ്യലിലാണ് പുതിയ വെളിപ്പെടുത്തല്‍. ബാലചന്ദ്രന്റെ വെളിപ്പെടുത്തിലിനെക്കുറിച്ച് അറിയില്ലെന്നും ദിലീപ് പറഞ്ഞു.

ഇന്നത്തെ ചോദ്യം ചെയ്യല്‍ പൂര്‍ത്തിയായിട്ടുണ്ട്. നാളെവീണ്ടും ഹാജരാകണം. കേസില്‍ ദിലീപിനെ നേരത്തെ അറസ്റ്റ് ചെയ്തിരുന്നതിനാല്‍ തുടരന്വേഷണത്തിന്റെ ഭാഗമായാണ് ചോദ്യം ചെയ്യല്‍. കേസിലെ എട്ടാം പ്രതിയാണ് ദിലീപ്.

നടിയെ ആക്രമിച്ച് തുടര്‍ന്ന് പകര്‍ത്തിയ ദൃശ്യങ്ങള്‍ ദിലീപിന്റെ പക്കല്‍ എത്തിയോ, കേസിലെ മുഖ്യ പ്രതിയുമായുളള ദിലീപിന്റെ അടുപ്പം സംബന്ധിച്ച് സംവിധായകന്‍ ബാലചന്ദ്രകുമാര്‍ അടക്കമുളളവര്‍ നല്‍കിയിരിക്കുന്ന മൊഴി, കേസ് അട്ടിമറിക്കാനും സാക്ഷികളെ സ്വാധീനിക്കാനും നടത്തിയ ശ്രമങ്ങള്‍ എന്നിവയെല്ലാമാണ് ദിലീപില്‍ നിന്ന് പൊലിസിന് അറിയാനുണ്ടായിരുന്നത്.