നിലമ്പൂര്‍: കരുളായി വീടിനുമുകളില്‍ തെങ്ങ് വീണ് വയോധിക മരിച്ചു. കുളവട്ടം കോളനിയിലെ മൊരടന്‍ ചക്കി(71)യാണ് മരിച്ചത്.

രാവിലെ ആറുമണിയോടെയാണ് സംഭവം.വീടിനുള്ളില്‍ ഉറങ്ങുകയായിരുന്നു ചക്കി. വീടിനോട് ചേര്‍ന്ന് നില്‍ക്കുന്ന തെങ്ങാണ് വീടിനുമുകളിലേക്ക് വീണത്.

വീടിന്റെ ഭിത്തിയിടിയുകയും തെങ്ങ് ചക്കിയുടെ ദേഹത്തേക്ക് പതിക്കുകയുമായിരുന്നു.അപകട ശേഷം ആശുപത്രിയിലെത്തിച്ചെങ്കിലും രക്ഷിക്കാനായില്ല. പരേതനായ കര്‍ത്തയാണ് ഭര്‍ത്താവ്.