തിരുവനന്തപുരം: തെരഞ്ഞെടുപ്പിന് ശേഷം ചില മാധ്യമങ്ങള്‍ തന്നെ വളഞ്ഞിട്ടാക്രമിക്കുന്നെന്ന് മന്ത്രി ജി.സുധാകരന്‍.വേണ്ടത്ര പ്രവര്‍ത്തിച്ചില്ല എന്ന് മാധ്യമങ്ങളാണോ വിലയിരുത്തേണ്ടതെന്ന് ജി. സുധാകരന്‍ ചോദിച്ചു. ചില പത്രങ്ങളുടെ പ്രാദേശിക എഡിഷനുകളില്‍ വന്ന വാര്‍ത്തയ്‌ക്കെതിരെയായിരുന്നു മന്ത്രിയുടെ പ്രതികരണം.

വിശ്രമമില്ലാതെ പ്രവര്‍ത്തിച്ചിട്ടും വാര്‍ത്ത വരുന്നത് മനഃപൂര്‍വമാണ്. സര്‍ക്കാരിന്റെ നേട്ടങ്ങളില്‍ പ്രധാനപ്പെട്ടതാണ് പൊതുമരാമത്ത് വകുപ്പിന്റെ പ്രവര്‍ത്തനമെന്നും മന്ത്രി പറഞ്ഞു. ആലപ്പുഴയില്‍ പാര്‍ട്ടിയുടെ കടിഞ്ഞാണ്‍ പിണറായി വിജയന്‍ ഏറ്റെടുത്തെന്ന വാര്‍ത്ത അടിസ്ഥാനരഹിതമാണ്. പാര്‍ട്ടിയെ നശിപ്പിക്കാനുള്ള നീക്കമാണ് വിവാദങ്ങള്‍ക്ക് പിന്നിലെന്നും ജി. സുധാകരന്‍ കൂട്ടിച്ചേര്‍ത്തു.