• കൊച്ചിയില്‍ 80
• കോഴിക്കോട് 82

കൊച്ചി: രാജ്യത്ത് വാണിജ്യ എല്‍പിജി സിലിണ്ടറിന് 255.50 രൂപ വര്‍ധിപ്പിച്ചു. ഇതോടെ കൊച്ചിയില്‍ സിലിണ്ടറിന് 2,256 രൂപയായി. കഴിഞ്ഞ അഞ്ചുമാസത്തിനിടെ വാണിജ്യ എല്‍പിജി സിലിണ്ടറിന് 530 രൂപയാണ് കൂട്ടിയത്. വാഹന ഉടമകള്‍ക്ക് ആശ്വാസമായ സിഎന്‍ജി വിലയും കുത്തനെ കൂട്ടി. ഒരുകിലോയ്ക്ക് എട്ടുരൂപയാണ് വര്‍ധിപ്പിച്ചത്.

ഇതോടെ കൊച്ചിയില്‍ സിഎന്‍ജി ഒരുകിലോയ്ക്ക് 72 രൂപയില്‍നിന്ന് 80 രൂപയായി. കോഴിക്കോട് 82 രൂപയാണ് വില. മറ്റ് ജില്ലകളില്‍ 83 രൂപവരെ വില ഉയരനാണ് സാധ്യത.രണ്ടാഴ്ചക്കിടെ ഇന്ധന വിലയില്‍ പതിനൊന്ന് തവണയാണ് വില വര്‍ധനവുണ്ടായത്.

പെട്രോളിന് 87 പൈസയും ഡീസലിന് 84 പൈസയുമാണ് വര്‍ധിപ്പിച്ചത്. ഒരാഴ്ച കൊണ്ട് പെട്രോളിന് ആറ് രൂപ 97 പൈസയാണ് കൂടിയത്. ഡീസലിന് കൂട്ടിയത് ആറ് രൂപ 70 പൈസയുമാണ്.