കൊല്ലം: പ്രശസ്ത ചലച്ചിത്ര- നാടക നടന്‍ കൈനകരി തങ്കരാജ് (77) അന്തരിച്ചു. ഇന്ന് ഉച്ചതിരിഞ്ഞ് കേരളപുരത്തെ സ്വവസതിയിലായിരുന്നു അന്ത്യം. ഹോം, ഇ മ യൗ , ലൂസിഫര്‍ എന്നി ചിത്രങ്ങളിലെ വേഷങ്ങള്‍ ശ്രദ്ധ നേടി.

രണ്ടുതവണ മികച്ച നാടക നടനുള്ള സംസ്ഥാന പുരസ്‌കാരം നേടി. കെ.പി.എ.സി ഉള്‍പ്പെടെ ഒട്ടേറെ നാടകസമിതികളില്‍ പ്രവര്‍ത്തിച്ചു.

കൊല്ലം കേരളപുരം വേലം കോണത്ത് സ്വദേശിയാണ്. പ്രശസ്ത നാടക പ്രവര്‍ത്തകന്‍ കൃഷ്ണന്‍കുട്ടി ഭാഗവതരുടെ മകനാണ്.