കുടക്: കേരള അതിര്‍ത്തിയോട് ചേര്‍ന്ന കര്‍ണാടകയിലെ പല്ലേരി ഗ്രാമത്തില്‍ രണ്ടുപേരെ കടുവ ആക്രമിച്ചുകൊന്നു. ഹുന്‍സൂര്‍ അന്‍ഗോട്ട സ്വദേശിയായ മധുവിന്റെയും വീണ കുമാരിയുടേയും മകന്‍ ചേതന്‍ (18), ബന്ധുവായ രാജു (72) എന്നിവരാണ് കൊല്ലപ്പെട്ടത്.

ഇന്നലെയാണ് ചേതനേയും, പിതാവ് മധുവിനേയും കടുവ ആക്രമിച്ചത്. തുടര്‍ന്ന് ചേതന്‍ മരിക്കുകയും മധു നിസാര പരിക്കോടെ രക്ഷപ്പെടുകയും ചെയ്തു. സംഭവമറിഞ്ഞ് സ്ഥലത്തെത്തിയ ചേതന്റെ ബന്ധു രാജുവിനെ ഇന്ന് രാവിലെയാണ് കടുവ ആക്രമിച്ച് കൊന്നത്. മൈസുരു ജില്ലയിലെ കാര്‍ഷിക തൊഴിലാളികളാണിവര്‍.

അതേസമയം കടുവയെ പിടികൂടുന്നതിനായി ശ്രമം തുടങ്ങിയതായി വനം വകുപ്പ് അറിയിച്ചു.