കൊല്‍ക്കത്ത: ഐ.എസ്.എല്ലില്‍ ഐ.ടി.കെ മോഹന്‍ ബഗാനോട് ഒന്നിനെതിരെ രണ്ടു ഗോളുകള്‍ക്ക് തോറ്റ് കേരള ബ്ലാസ്റ്റേഴ്‌സ്. ഇതോടെ പോയന്റ് പട്ടികയില്‍ ബ്ലാസ്റ്റേഴ്‌സ് അഞ്ചാം സ്ഥാനത്തേക്ക് വീണു. മൂന്നാം സ്ഥാനത്തെത്തിയ എ.ടി.കെ പ്ലേ ഓഫ് ഉറപ്പിച്ചു.

മത്സരത്തിന്റെ 16ാം മിനിറ്റില്‍ ദിമിത്രിയോസ് ഡയമന്റകോസിലൂടെ ബ്ലാസ്‌റ്റേഴസ് ആദ്യം സ്‌കോര്‍ചെയ്‌തെങ്കിലും കാള്‍ മക്ഹ്യൂവിന്റെ ഇരട്ട ഗോളുകള്‍ (23, 71 മിനിറ്റുകളില്‍) മോഹന്‍ ബഗാന് ജയം സമ്മാനിച്ചത്.64ാം മിനിറ്റില്‍ രണ്ടാം മഞ്ഞ കാര്‍ഡ് വാങ്ങി മലയാളി താരം കെ.പി. രാഹുലിന് പുറത്തുപോകേണ്ടി വന്നത് ബ്ലാസ്റ്റേഴ്‌സിന് തിരിച്ചടിയായി.

നേരത്തെ തന്നെ പ്ലേഓഫ് ബര്‍ത്തുറപ്പിച്ച കേരള ബ്ലാസ്റ്റേഴ്‌സ്, മൂന്നാം സ്ഥാനത്ത് തുടരാനുള്ള സുവര്‍ണാവസരം നഷ്ടപ്പെടുത്തി. മൂന്നാം സ്ഥാനത്തോ, നാലാം സ്ഥാനത്തോ ഫിനിഷ് ചെയ്താല്‍ ഹോംഗ്രൗണ്ടില്‍ പ്ലേഓഫ് കളിക്കാന്‍ അവസരം ലഭിക്കും. ഒരു മത്സരം കൂടി ബ്ലാസ്റ്റേഴ്‌സിന് ബാക്കിയുണ്ട്.