തിരൂര്‍: മറൈന്‍ സയന്‍സില്‍ ഡോക്ടറേറ്റ് നേടിയ സി.പി റജുല്‍ ഷാനിസ്, കെമിക്കല്‍ എന്‍ജിനിയറിങില്‍ ഡോക്ടറേറ്റ് നേടിയ കെ.പി ലിഷ, അങ്കണം കലാസാംസ്‌കാരിക അവാര്‍ഡ് നേടിയ അഴിക്കോട്ടില്‍ ഷഹന, എസ്.എസ്.എല്‍.സി പ്ലസ്ടു പരീക്ഷകളില്‍ ഉന്നത വിജയം നേടിയ മംഗലത്തെയും പരിസര പ്രദേശത്തെയും വിദ്യാര്‍ഥികള്‍ എന്നിവരെ സീതിസാഹിബ് മെമ്മോറിയല്‍ ലൈബ്രറി അനുമോദിച്ചു. മംഗലം പഞ്ചായത്ത് പ്രസിഡന്റ് ഹാജറ മജീദ് ഉപഹാരം നല്‍കി. തിരൂര്‍ താലൂക്ക് ലൈബ്രറി കൗണ്‍സില്‍ പ്രസിഡന്റ് കെ. ചിത്രഭാനു അവാര്‍ഡ് സമ്മാനിച്ചു. ആര്‍.എം ബഷീര്‍ അധ്യക്ഷനായി. പഞ്ചായത്തംഗം ആര്‍. മുഹമ്മദ് ബഷീര്‍, സി.എം ഹസ്സന്‍ അനീഷ്, വി.എം.എ റഹ്മാന്‍, വി.മുഹമ്മദ് മീറാന്‍, സി.പി അബൂബക്കര്‍, എം, സൈതാലിക്കുട്ടി, ടി.കെ റാഷിദ് സംസാരിച്ചു.