ചെറുതുരുത്തി: ഭരണാധികാരികള്‍ വാഴ്ത്തി പാടുന്ന ഗുജറാത്ത് മാതൃക വെറും മരീചിക മാത്രമാണെന്ന് പി.കെ ബിജു എം.പി പറഞ്ഞു.
സംസ്ഥാനത്തെ പാവപ്പെട്ട ജനവിഭാഗങ്ങള്‍ ഇന്നും നരകതുല്യമായ ജീവിതം നയിക്കേണ്ട അവസ്ഥയിലാണ്. ഏറെ പരിതാപകരമാണ് ഗ്രാമീണ ജനവിഭാഗങ്ങളുടെ ജീവിതം.
ഭക്ഷണം പാചകം ചെയ്യുന്നതിന് ചാണകം ഉണക്കി കത്തിക്കുന്ന ഒരു രീതി ഗുജറാത്തിലല്ലാതെ മറ്റൊരിടത്തും ഉണ്ടാകാന്‍ വഴിയില്ലെന്നും ബിജു കൂട്ടിച്ചേര്‍ത്തു.
ഗുജറാത്തിനെ അപേക്ഷിച്ച് കേരളം എല്ലാ രംഗത്തും വലിയ മുന്നേറ്റമാണ് നടത്തിയിട്ടുള്ളത്. ഈ വളര്‍ച്ചയില്‍ കുടുംബശ്രീ പ്രസ്ഥാനങ്ങള്‍ വഹിച്ച പങ്ക് വളരെ വലുതാണ്.
കേരളത്തിന്റെ മൊത്തത്തിലുള്ള ശാക്തീകരണം ഉറപ്പാക്കാന്‍ കുടുംബശ്രീക്ക് കഴിഞ്ഞതായും ബിജു പറഞ്ഞു. വരവൂര്‍ പഞ്ചായത്ത് കുടുംബശ്രീ 18ാം വാര്‍ഷികാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പഞ്ചായത്ത് പ്രസിഡന്റ് കെ.കെ ബാബു അധ്യക്ഷനായി. യു.ആര്‍ പ്രദീപ് എം.എല്‍.എ മുഖ്യാതിഥിയായിരുന്നു.
ബ്ലോക്ക് പഞ്ചായത്ത് വൈസ് പ്രസിഡന്റ് പി.പി സുനിത, സി.വിജയലക്ഷ്മി, ശാലിനി വിനോദ്, കെ.എം ഹനീഫ, പി.പ്രീതി, എം.എ മോഹനന്‍, സി.ഗോപകുമാര്‍, പി.വി വാപ്പുട്ടി,
എം.യു സന്ധ്യ, പി.എ പങ്കജം, എം.വീരചന്ദ്രന്‍, ടി.കെ ബിജു, സി.ആര്‍ ഗീത, കെ.വി ഖദീജ, പി.രുഗ്മിണി, എം.രവീന്ദ്രന്‍, പി.ശിവശങ്കരന്‍, എം.എസ് അംബിക,പി.കെ യശോദ മണി,വി.എസ് രതീദേവി സംസാരിച്ചു.