ദേശമംഗലം: വീടില്ലാത്തവര്‍ക്ക് വീട് നിര്‍മിച്ചു നല്‍കുക എന്നത് പുണ്യകരവും മഹത്തരവുമാണെന്ന് മുസ്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ പറഞ്ഞു.
രണ്ടു വര്‍ഷം മുന്‍പ് മരണമടഞ്ഞ എം.എസ്.എഫ് മുന്‍ തൃശൂര്‍ ജില്ലാ പ്രസിഡന്റും ദേശമംഗലം പഞ്ചായത്ത് മുസ്‌ലിംലീഗ് പ്രസിഡന്റുമായിരുന്ന അബ്ദുള്‍ ഒനിയ്യിന്റെ കുടുംബത്തിന് വേണ്ടി പൂര്‍ത്തീകരിക്കുന്ന ബൈത്തുറഹ്മയുടെ ഫണ്ടിലേക്കു മുസ്‌ലിം ലീഗ് ചേലക്കര മണ്ഡലം പ്രവാസി കൂട്ടായ്മ സ്വരൂപിച്ച രണ്ടു ലക്ഷം രൂപ ദേശമംഗലം പഞ്ചായത്ത് മുസ്‌ലിംലീഗ് കമ്മിറ്റിക്കു കൈമാറി സംസാരിക്കുകയായിരുന്നു അദ്ദേഹം.
മാനുഷിക മൂല്യങ്ങള്‍ ഉയര്‍ത്തിപ്പിടിച്ചുകൊണ്ട് നന്മയുടെ പ്രതീകമാകാന്‍ കഴിഞ്ഞ  കൂട്ടായ്മയെ തങ്ങള്‍ അനുമോദിച്ചു. മുന്‍ എം.എല്‍.എ വി.എം ഉമ്മര്‍ മാസ്റ്റര്‍, മുസ്‌ലിംലീഗ് സംസ്ഥാന പ്രവര്‍ത്തക സമിതി അംഗവും പ്രവാസി കൂട്ടായ്മയുടെ രക്ഷാധികാരിയുമായ എം.പി കുഞ്ഞിക്കോയ തങ്ങള്‍, ചേലക്കര നിയോജക മണ്ഡലം പ്രസിഡന്റ് പി.എം അമീര്‍, എസ്.ടി.യു ജില്ലാ പ്രസിഡന്റ് പി.എ അബ്ദുള്‍സലാം, മുസ്‌ലിം യൂത്ത് ലീഗ് ജില്ലാ പ്രസിഡന്റ് പി.എ അബ്ദുല്‍കരീം, കെ.കെ അലി, ശിഹാബ് വരവട്ടൂര്‍ നവാസ് തലശ്ശേരി, മുഹമ്മദാലി ചേലക്കോട്, ദേശമംഗലം പഞ്ചായത്ത് വൈസ് പ്രസിഡന്റ് സലീംകോയ, എസ്.എം അലി, ജമാല്‍ വളവ്, എ.യു അനസ്, നാസര്‍ പള്ളം, സി.എ റസാക്, കബീര്‍, ഫൈസല്‍, റഷീദ് ചേലക്കോട്  പ്രസംഗിച്ചു.