കൊച്ചി: എറണാകുളം വാരാപ്പുഴയില്‍ പടക്കം സൂക്ഷിച്ച കെട്ടിടത്തില്‍ പൊട്ടിത്തെറി. ഇന്ന് വൈകുന്നേരം അഞ്ചരമണിക്കാണ് സംഭവം.
കുട്ടികളും മുതിര്‍ന്നവരുമടക്കം ആറുപേര്‍ക്ക് പരുക്കേറ്റു. അതേ സമയം ഒരാള്‍ മരിച്ചതായും റിപ്പോര്‍ട്ടുകളുണ്ട്. മൂന്നു കുട്ടികളുള്‍പ്പടെ അഞ്ചുപേര്‍ക്കാണ് പരുക്കേറ്റത്. ഇതര സംസ്ഥാന തൊഴിലാളിയാണ് മരിച്ചതെന്നാണ് ലഭിക്കുന്ന വിവരം. ഇയാളെ തിരിച്ചറിഞ്ഞിട്ടില്ല.
ഉഗ്രമായ സ്‌ഫോടനമാണ് ഉണ്ടായത്. കിലോമീറ്ററുകളോളം പ്രകമ്പനമുണ്ടായതായാണ് പരിസരവാസികള്‍ പറയുന്നത്.
പരിസരത്തെ പന്ത്രണ്ടിലേറെ വീടുകള്‍ക്കും കേടുപാടുകള്‍ സംഭവിച്ചിട്ടുണ്ട്. കൂടുതല്‍ വിവരങ്ങള്‍ ലഭ്യമാകുന്നതേയുള്ളൂ. സ്ഥലത്ത് രക്ഷാ പ്രവര്‍ത്തനങ്ങള്‍ തുടരുകയാണ്.