ദുബായ്: ഇന്ത്യക്കാര്‍ക്ക് യു.എ.ഇ ഏര്‍പ്പെടുത്തിയ യാത്രാവിലക്ക് അനിശ്ചിതകാലത്തേക്ക് നീട്ടി. നേരത്തെ മെയ് നാലു വരെയും പിന്നീട് മെയ് 14 വരെയും വിലക്കേര്‍പ്പെടുത്തിയിരുന്നു. ഇന്ത്യയില്‍ കൊവിഡ് വ്യാപനം ശക്തമായി തുടരുന്ന സാഹചര്യത്തിലാണ് പുതിയ നടപടി.

അടുത്ത അറിയിപ്പുണ്ടാകുന്നതുവരെ വിലക്ക് നീട്ടുന്നതായി ദേശീയ ദുരന്ത നിവാരണ സമിതിയും സിവില്‍ ഏവിയേഷനും അറിയിച്ചു. 14 ദിവസത്തിനിടെ ഇന്ത്യയില്‍ തങ്ങിയവര്‍ക്കും ഇന്ത്യവഴി യാത്ര ചെയ്തവര്‍ക്കും വിലക്ക് ബാധകമാണ്.