വില്ലപാര്‍ക്ക് ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യുനൈറ്റഡിന് ജയം. ഇന്ന് നടന്ന മത്സരത്തില്‍ 3 1 എന്ന സ്‌കോറിന് ആസ്റ്റണ്‍വില്ലയേയാണ് യുനൈറ്റഡ് പരാജയപ്പെടുത്തിയത്. ഒരു ഗോളിന് പിറകില്‍ നിന്നശേഷമായിരുന്നു യുനൈറ്റഡ് തിരിച്ചുവര് നടത്തി വിജയം സ്വന്തമാക്കിയത്. 24ാം മിനുട്ടില്‍ ബര്‍ട്രാന്‍ഡ് ട്രയോറെയാണ് ആസ്റ്റണ്‍വില്ലക്കായി ഗോള്‍ നേടിയത്. 52ാം മിനുട്ടില്‍ പെനാല്‍റ്റിയില്‍ നിന്ന് ബ്രൂണോ ഫെര്‍ണാണ്ടസ് യുനൈറ്റഡിന് സമനില സമ്മാനിച്ചു. മാസന്‍ ഗ്രീന്‍വുഡ് (56), എഡിസണ്‍ കവാനി (87) എന്നിവരാണ് യുനൈറ്റഡിന് വേണ്ടി ഗോള്‍ നേടിയ മറ്റുതാരങ്ങള്‍.