പാലക്കാട്: തേങ്കുറിശിയില്‍ കിണര്‍ ഇടിഞ്ഞുണ്ടായ അപകടത്തില്‍ പരിക്കേറ്റയാള്‍ മരിച്ചു. തേങ്കുറിശ്ശി തെക്കേക്കര സ്വദേശി സുരേഷ് ആണ് മരിച്ചത്. 

ഇന്ന് ഉച്ചയോടെ പ്രദേശവാസിയുടെ കിണര്‍ വൃത്തിയാക്കുന്നതിനിടെ മണ്ണ് ഇടിഞ്ഞാണ് അപകടമുണ്ടായത്. മണ്ണിനിടയില്‍ അകപ്പെട്ട സുരേഷിനെ ഫയര്‍ ഫോഴ്‌സും പൊലിസും ചേര്‍ന്ന് ഒന്നര മണിക്കൂര്‍ നീണ്ട രക്ഷാപ്രവര്‍ത്തനത്തിനൊടുവിലാണ് പുറത്തെത്തിച്ചത്. എങ്കിലും ജീവന്‍ രക്ഷിക്കാനായില്ല. കിണറില്‍ അകപ്പെട്ട മറ്റ് മൂന്നുപേരെ നേരത്തെ രക്ഷപ്പെടുത്തിയിരുന്നു. ഇവരുടെ ആരോഗ്യ നില തൃപ്തികരമാണ്.