ചണ്ഡീഗഢ്: ഖാലിസ്ഥാന്‍വാദി അമൃത്പാല്‍ സിങ് പൊലിസിനെ വെട്ടിച്ച് കടന്നുകളഞ്ഞതില്‍ പഞ്ചാബ് പൊലിസിനെ രൂക്ഷമായി വിമര്‍ശിച്ച് ഹരിയാന ഹൈക്കോടതി. അമൃത് പാലിനെ പിടികൂടാനുള്ള നടപടികളുടെ നിലവിലെ സ്ഥിതിയെക്കുറിച്ച് റിപ്പോര്‍ട്ട് നല്‍കാന്‍ പൊലിസിനോട് ഹൈക്കോടതി ആവശ്യപ്പെട്ടു. പിന്തുടര്‍ന്ന് പിടികൂടാന്‍ ശ്രമിക്കുന്നതിനിടെ അമൃത് പാല്‍ ശനിയാഴ്ച പൊലിസിനെ വെട്ടിച്ച് കടന്നുകളഞ്ഞിരുന്നു.

80,000 പൊലീസുകാരുണ്ടായിട്ടും അമൃത്പാലിന് എങ്ങനെ കടന്നുകളയാന്‍ സാധിച്ചുവെന്ന് ഹൈക്കോടതി ചോദിച്ചു. ഇത് ഇന്റലിജന്‍സ് വിഭാഗത്തിന്റെ പരാജയമാണെന്നും കോടതി ചൂണ്ടിക്കാട്ടി. അമൃത്പാലിനെ പിടികൂടാന്‍ കഴിഞ്ഞില്ലെങ്കിലും 78 കൂട്ടാളികളെ പഞ്ചാബ് പൊലീസ് അറസ്റ്റ് ചെയ്തിരുന്നു.