നെടുമ്പാശ്ശേരി: അന്താരാഷ്ട്ര വിമാനത്താവളത്തില്‍ നിന്ന് പുറപ്പെടുന്ന ആദ്യ ഹജ്ജ് വിമാനത്തിന്റെ സമയത്തില്‍ മാറ്റം. നാളെ ഉച്ചയ്ക്കു ശേഷം 3.20നാണ് തീര്‍ഥാടകരെയും വഹിച്ചുകൊണ്ടുള്ള സഊദി എയര്‍ലൈന്‍സിന്റെ ആദ്യ വിമാനം ജിദ്ദയിലേക്ക് യാത്രയാകുന്നത്. 450 തീര്‍ഥാടകരാണ് ഈ വിമാനത്തില്‍ പുറപ്പെടുന്നത്.
300 തീര്‍ഥാടകരുമായി സഊദി എയര്‍ വിമാനം ഉച്ചയ്ക്ക് ഒന്നിന് പുറപ്പെടുമെന്നായിരുന്നു നേരത്തേ അറിയിച്ചിരുന്നത്. വളണ്ടിയര്‍മാരായ മുഹമ്മദ് റഊഫ്, മുഹമ്മദ് റാഫി, മുജീബ് റഹ്മാന്‍ എന്നിവര്‍ ആദ്യ വിമാനത്തില്‍ തീര്‍ഥാടകരെ അനുഗമിക്കും. തുടര്‍ന്നുള്ള ദിവസങ്ങളില്‍ നേരത്തേ അറിയിച്ചിട്ടുള്ള സമയത്തുതന്നെ വിമാനങ്ങള്‍ പുറപ്പെടുമെന്നാണ് ഇപ്പോള്‍ അറിയിച്ചിട്ടുള്ളത്. സെപ്റ്റംബര്‍ നാല്, അഞ്ച് തീയതികളില്‍ പുറപ്പെടേണ്ട തീര്‍ഥാടകരുടെ യാത്രാ ഷെഡ്യൂള്‍ ഇന്ന് ലഭ്യമാകും.