ആന്ധ്രാപ്രദേശില്‍ നിന്നും വിനോദസഞ്ചാരത്തിനായി മൂന്നാറിലെത്തിയ സംഘം സഞ്ചരിച്ചിരുന്ന കാര്‍ അപകടത്തില്‍പ്പെട്ട് രണ്ട് മരണം.ആന്ധ്ര സ്വദേശികളായ നൗഷാദ്(32) നൈസ(8) എന്നിവരാണ് മരിച്ചത്. ചിന്നക്കനാലില്‍ നിന്ന് വരികയായിരുന്ന വിനോദസഞ്ചാരികളുടെ കാര്‍ ഇന്ന് രാവിലെ ഏഴരയോടെയാണ് അപകടത്തില്‍പ്പെട്ടത്.

നിയന്ത്രണം വിട്ട കാര്‍ ഗ്യാപ്പ് റോഡിനു താഴേ കൊക്കയിലേക്ക് പതിക്കുകയായിരുന്നു. എട്ടുപേരാണ് വാഹനത്തില്‍ ഉണ്ടായിരുന്നത്. പരുക്കേറ്റവരെ ടാറ്റാ ആശുപത്രിയില്‍ പ്രവേശിപ്പിച്ചു.