കോഴിക്കോട്: 2023 ജനുവരിയില്‍ നടന്ന സംസ്ഥാന സ്‌കൂള്‍ കലോത്സവത്തിലെ സ്വാഗതഗാന അവതരണ വിവാദത്തില്‍ 11 പേര്‍ക്കെതിരെ പൊലിസ് കേസെടുത്തു. മാതാ പേരാമ്പ്രയുടെ ഡയറക്ടര്‍ അടക്കമുള്ളവര്‍ക്കെതിരെയാണ് കേസ്. കോഴിക്കോട് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ നിര്‍ദ്ദേശപ്രകാരമാണ് കേസെടുത്തത്. മതസ്പര്‍ധ വളര്‍ത്താന്‍ ശ്രമിച്ചെന്ന കുറ്റമാണ് ചുമത്തിയിരിക്കുന്നത്.

കേരള സ്‌കൂള്‍ കലോത്സവത്തിന്റെ സ്വാഗതഗാന ദൃശ്യാവിഷ്‌കാരത്തില്‍ മുസ് ലിം വേഷധാരിയെ തീവ്രവാദിയായി ചിത്രീകരിച്ചതാണ് വിവാദത്തിന് കാരണമാണ്. സംഭവത്തില്‍ സംസ്ഥാന സര്‍ക്കാരിനും കലോത്സവ സംഘാടക സമിതിക്കുമെതിരെ വിമര്‍ശനവുമായി മുസ് ലിം ലീഗ് രംഗത്തുവന്നിരുന്നു. പിന്നാലെ മന്ത്രി മുഹമ്മദ് റിയാസും സി.പി.എം കോഴിക്കോട് ജില്ലാ നേതൃത്വവും വിമര്‍ശനവുമായി രംഗത്തെത്തിയിരുന്നു.