പാതിരപ്പളളി: ചെട്ടികാട് ഔവര്‍ ലൈബ്രറി സംഘടിപ്പിക്കുന്ന നാലാമത് സുകുമാര്‍ അഴീക്കോട് പ്രഭാഷണ പരമ്പരയ്ക്ക് ഇന്ന് തുടക്കമാകും.
വൈകുന്നേരം 5ന് ലൈബ്രറി ഹാളില്‍ നടക്കുന്ന   വിവരാവകാശ നിയമത്തിന്റെ ഒരു പതിറ്റാണ്ട്-നേട്ടവും പ്രതിസന്ധിയും എന്ന വിഷയത്തില്‍ അഡ്വ. ഡി ബി ബിനു വിഷയം അവതരിപ്പിച്ച് സംസാരിക്കും.
ഡോ. ബി ശ്രീകുമാര്‍ ഉദ്ഘാടനം ചെയ്യും.ഡോ. ജി ബാലചന്ദ്രന്‍ മോഡറേറ്ററായിരിക്കും. ആഗസ്റ്റ് 28ന് വൈകുന്നേരം 5ന് നടക്കുന്ന പ്രഭാഷണം മനോജ് കെ പുതിയവിള നടത്തും. ചര്‍ച്ച ഡോ. നെടുമുടി ഹരികുമാര്‍ ഉദ്ഘാടനം ചെയ്യും. കെ.പി അജിത്കുമാര്‍ മോഡറേറ്ററായിരിക്കും.
സെപ്തംബര്‍ 4ന് വൈകുന്നേരം നടക്കുന്ന സമാപന പ്രഭാഷണ പരമ്പരയില്‍ സദാചാര കേരളത്തിന്റെ വര്‍ത്തമാനം എന്ന വിഷയത്തില്‍ ഡോ. പി എസ് ശ്രീകല സംസാരിക്കും. ഇലപ്പിക്കുളം രവീന്ദ്രന്‍ ഉദ്ഘാടനം ചെയ്യും. ഡോ. സുനില്‍ മാര്‍ക്കോസ് മോഡറേറ്ററായിരിക്കും.