തൊടുപുഴ:  വീട്ടില്‍ അതിക്രമിച്ചുകയറി ഗൃഹനാഥനെ കൊലപ്പെടുത്താന്‍ ശ്രമിച്ച കേസില്‍ സബ് ഇന്‍സ്‌പെക്ടറടക്കം ഏഴ് പ്രതികളെ കോടതി വെറുതെവിട്ടു.
മാരകായുധങ്ങളുമായി വീട്ടില്‍ കയറി ഉപ്പുതോട് വേഴാമ്പശേരില്‍ സാബുവിനെ കൊലപ്പെടുത്താന്‍  ശ്രമിച്ചെന്നാരോപിച്ച് ചാര്‍ജ് ചെയ്ത കേസില്‍ പൊലിസ് സബ് ഇന്‍സ്‌പെക്ടര്‍ തൊണ്ടന്മാക്കല്‍ റോയി, സഹോദരന്‍ രഞ്ജിത്ത്, പിതാവ് സുകുമാരന്‍, അയല്‍വാസികളായ മണ്ണാനിയില്‍ പ്രമോദ്,  വടക്കേ മുളഞ്ഞനാല്‍ ജയിംസ്, കുന്നുംപുറത്ത് പ്രകാശ്,  കല്ലുങ്കല്‍ റോജിന്‍ എന്നിവരെയാണ് തൊടുപുഴ രണ്ടാം അഡീഷണല്‍ സെഷന്‍സ് ജഡ്ജ് എസ് ഷാജഹാന്‍ വെറുതെവിട്ടത്.