എളേറ്റില്‍: ഒഴലക്കുന്ന് മഫ്തഹുല്‍ ഉലൂം സെക്കന്‍ഡറി മദ്‌റസയില്‍ നടത്തിയ ലീഡര്‍ തെരഞ്ഞെടുപ്പ് വിദ്യാര്‍ഥികള്‍ക്കും രക്ഷിതാക്കള്‍ക്കും പുതുമ നിറഞ്ഞതായി.  96 ശതമാനം പേര്‍ വോട്ട് രേഖപ്പെടുത്തി. 48 ശതമാനം വോട്ട് നേടി എം.കെ മുഹമ്മദ് ഷാനിദ് ലീഡറായി തെരഞ്ഞെടുക്കപ്പെട്ടു. മദ്‌റസ സെക്രട്ടറി മൂസ മാസ്റ്റര്‍, സ്വദര്‍ മുഅല്ലിം കെ.കെ മുഹമ്മദ് മുസ്‌ലിയാര്‍, പി.പി മുഹമ്മദ് സഈദ് മുസ്‌ലിയാര്‍, ഒ.പി ഉമര്‍ മുസ്‌ലിയാര്‍ പന്നൂര്‍, പി.വി സുലൈമാന്‍ മുസ്‌ലിയാര്‍, പി.കെ സുലൈമാന്‍ മുസ്‌ലിയാര്‍ എന്നിവര്‍ തെരഞ്ഞെടുപ്പ് നിയന്ത്രിച്ചു.