HOME
DETAILS

ഒടുവില്‍ അതും സംഭവിച്ചു; ബയേണിനെതിരെ ആദ്യ വിജയം സ്വന്തമാക്കി ഹാലണ്ട്

  
backup
April 12 2023 | 06:04 AM

haaland-made-his-debut-win-against-bayern

ചാമ്പ്യന്‍സ് ലീഗിലെ ആവേശകരമായ ക്വാര്‍ട്ടര്‍ ഫൈനല്‍ പോരാട്ടങ്ങള്‍ പുരോഗമിക്കവെ ജര്‍മന്‍ ക്ലബ്ബായ മാഞ്ചസ്റ്റര്‍ സിറ്റിയെ പരാജയപ്പെടുത്തി ആദ്യ പാദ മത്സരത്തില്‍ വിജയം സ്വന്തമാക്കിയിരിക്കുകയാണ് ഇംഗ്ലീഷ് ക്ലബ്ബായ മാഞ്ചസ്റ്റര്‍ സിറ്റി.
ടൂര്‍ണമെന്റിലെ ആവേശകരമായ മത്സരത്തില്‍ റോഡ്രി, ബെര്‍ണാഡോ സില്‍വ, എര്‍ലിങ് ഹാലണ്ട് എന്നിവര്‍ നേടിയ ഗോളുകളിലാണ് ജര്‍മന്‍ വമ്പന്‍മാരെ മാന്‍ സിറ്റി മുട്ട് കുത്തിച്ചത്.

മല്‍സരത്തില്‍ പന്ത് കൈവശം വെക്കുന്നതിലും പാസിങ്ങിലെ കൃത്യതയിലുമൊക്കെ മാഞ്ചസ്റ്റര്‍ സിറ്റി ആധിപത്യം പുലര്‍ത്തിയിരുന്നെങ്കിലും നാല് ഓണ്‍ ടാര്‍ഗറ്റ് ഷോട്ട് മാത്രമാണ് സിറ്റിയുടെ ഗോള്‍ പോസ്റ്റിലേക്ക് ബയേണിന് ഉതിര്‍ക്കാന്‍ സാധിച്ചത്. എന്നാല്‍ ഒമ്പത് തവണ ബയേണിന്റെ പോസ്റ്റിലേക്ക് ഷോട്ട് ഉതിര്‍ക്കാന്‍ സിറ്റിക്ക് സാധിച്ചു.


സ്വന്തം മൈതാനമായ എത്തിഹാദില്‍ വെച്ച് നടന്ന മത്സരത്തില്‍ വിജയിക്കാന്‍ കഴിഞ്ഞതോടെ ഇനി ബയേണിന്റെ തട്ടകത്തില്‍ വെച്ച് നടക്കുന്ന രണ്ടാം പാദ മത്സരത്തിനായി കൂടുതല്‍ തയ്യാറാവാന്‍ സിറ്റിക്ക് സാധിക്കും.

എന്നാല്‍ മത്സരത്തില്‍ വിജയിക്കാന്‍ സാധിച്ചു എന്നതിനേക്കാളുപരിയായി മറ്റൊരു സന്തോഷ വാര്‍ത്തകൂടി മാഞ്ചസ്റ്റര്‍ സിറ്റി ആരാധരിലേക്ക് എത്തിയിരിക്കുകയാണ്. സിറ്റിയുടെ സൂപ്പര്‍ താരവും ഗോള്‍ മെഷീനുമായ എര്‍ലിങ് ഹാലണ്ട് ബയേണിനെതിരെ തന്റെ ആദ്യ വിജയം സ്വന്തമാക്കി എന്നതാണ് സിറ്റി ആരാധകരുടെ ആവേശത്തിന് കൊഴുപ്പ് കൂട്ടുന്ന മറ്റൊരു ഘടകം.

ജര്‍മന്‍ ലീഗില്‍ ബൊറൂസിയ ഡോര്‍ട്മുണ്ടിനെതിരെ കളിച്ചിരുന്ന ഹാലണ്ടിന് അവിടെ വെച്ച് ബയേണിനെ പരാജയപ്പെടുത്താന്‍ സാധിച്ചിരുന്നില്ല.
അതേസമയം ബയേണിനെതിരെ ഗോള്‍ സ്‌കോര്‍ ചെയ്തതോടെ ചാമ്പ്യന്‍സ് ലീഗിലെ തന്റെ ഗോള്‍ നേട്ടം 34ലേക്ക് ഉയര്‍ത്താന്‍ ഹാലണ്ടിനായി. കൂടാതെ ഈ സീസണില്‍ ഇതുവരെ 45 ഗോളുകള്‍ സിറ്റിക്കായി സ്വന്തമാക്കാനും താരത്തിന് സാധിച്ചു.

ഇതോടൊപ്പം ചാമ്പ്യന്‍ലീഗില്‍ ഏറ്റവും കൂടുതല്‍ മത്സരങ്ങള്‍ ഹോം ഗ്രൗണ്ടില്‍ പരാജയപ്പെടാതെ മുന്നേറിയ ക്ലബ്ബെന്ന റെക്കോര്‍ഡും മാന്‍ സിറ്റി സ്വന്തമാക്കിയിട്ടുണ്ട്.

തുടര്‍ച്ചയായ 25 ചാമ്പ്യന്‍സ് ലീഗ് മത്സരങ്ങളിലാണ് സ്വന്തം ഗ്രൗണ്ടില്‍ സിറ്റി പരാജയമറിയാതെ മുന്നേറിയത്.
ഏപ്രില്‍ 20നാണ് ബയേണും മാഞ്ചസ്റ്റര്‍ സിറ്റിയും തമ്മിലുള്ള രണ്ടാം പാദ മത്സരം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."