തൊട്ടില്‍പ്പാലം: നാദാപുരം മണ്ഡലത്തിലെ വിവിധ പഞ്ചായത്തുകളില്‍ പട്ടയം ലഭിക്കാത്ത കര്‍ഷകര്‍ക്ക് അടിയന്തരമായി പട്ടയം നല്‍കണമെന്ന് അഖിലേന്ത്യാ കിസാന്‍സഭ നാദാപുരം മണ്ഡലം സമ്മേളനം ആവശ്യപ്പെട്ടു. സമ്മേളനം ഇ.കെ വിജയന്‍ എം.എല്‍.എ ഉദ്ഘാടനം ചെയ്തു.
ജില്ലാ സെക്രട്ടറി ടി.കെ രാജന്‍ മാസ്റ്റര്‍, ജില്ലാ പ്രസിഡന്റ് നാരായണക്കുറുപ്പ്, മണ്ഡലം സെക്രട്ടറി രജീന്ദ്രന്‍ കപ്പള്ളി പ്രസംഗിച്ചു. മണ്ഡലം പ്രസിഡന്റായി സി.കെ ബാലനെയും സെക്രട്ടറിയായി രാജു തോട്ടിന്‍ചിറയെയും തെരഞ്ഞെടുത്തു.