തൊട്ടില്‍പ്പാലം: കായക്കൊടി കെ.പി.ഇ.എസ് ഹയര്‍സെക്കന്‍ഡറി സ്‌കൂളില്‍ എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികളെ പി.ടി.എയുടെ ആഭിമുഖ്യത്തില്‍ ഇന്ന് അനുമോദിക്കും. രാവിലെ 10ന് സ്‌കൂള്‍ ഓഡിറ്റോറിയത്തില്‍ നടക്കുന്ന ചടങ്ങ് തൊഴില്‍ വകുപ്പു മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും.
മെഡിക്കല്‍ എന്‍ട്രന്‍സ് പരീക്ഷയില്‍ ഉന്നത റാങ്ക് കരസ്ഥമാക്കിയ പ്ലസ്ടു വിദ്യാര്‍ഥി മുഹമ്മദ് ഷഫീര്‍, ഇന്‍സ്‌പെയര്‍ അവാര്‍ഡ് ജേതാവ് അന്‍ഫസ് മുഹമ്മദ് എന്നിവരെയും രാജ്യപുരസ്‌കാര്‍ നേടിയ വിദ്യാര്‍ഥികളെയും പ്രത്യേകം അനുമോദിക്കും. ഇ.കെ വിജയന്‍ എം.എല്‍.എ, കെ.ടി അശ്വതി, ബഷീര്‍ പൊറോറ പങ്കെടുക്കും.