ഗൂഡല്ലൂര്‍: കാട്ടുപോത്തുകള്‍ കൂട്ടത്തോടെ തേയില കാട്ടില്‍ തമ്പടിക്കുന്നത് തൊഴിലാളികളെ ദുരിതത്തിലാക്കുന്നു. മഞ്ചൂര്‍ മേഖലയിലാണ് പരിഭ്രാന്തി പരത്തി തേയിലത്തോട്ടങ്ങളില്‍ കാട്ടുപോത്തുകള്‍ തമ്പടിക്കുന്നത്.
മഞ്ചൂര്‍, മേരിലാന്‍ഡ്, മൈനലാമട്ടം, എടക്കാട്, തേനാട്, ചാംരാജ്‌നഗര്‍ എസ്റ്റേറ്റ് തുടങ്ങിയ സ്ഥലങ്ങളിലാണ് കാട്ടുപോത്തുകള്‍ പരിഭ്രാന്തി പരത്തുന്നത്.
തേയില തോട്ടത്തില്‍ തമ്പടിക്കുന്ന കാട്ടുപോത്തുകള്‍ തൊഴിലാളികള്‍ക്ക് ഭീഷണി ഉയര്‍ത്തുകയാണ്. 30ഓളം കാട്ടുപോത്തുകളാണ് പ്രദേശത്ത് തമ്പടിച്ചിരിക്കുന്നത്. ഈ മേഖലയില്‍ വന്‍ കൃഷിനാശവും വരുത്തിയിട്ടുണ്ട്. ഭീതികാരണം തൊഴിലാളികള്‍ ജോലിക്ക് പോകാന്‍ തയ്യാറാകുന്നില്ല. കാട്ടുപോത്തുകളെ വനത്തിലേക്ക് തുരത്തിയോടിക്കണമെന്നാണ് ജനങ്ങളുടെ ആവശ്യം.