മുള്ളൂര്‍ക്കര : ജീവന്‍രക്ഷാ ദൗത്യത്തില്‍ മഹത്തായ മാതൃക തീര്‍ത്ത തൃശൂരിന്റെ  സ്വന്തം ജീവകാരുണ്യ പ്രസ്ഥാനമായ ആക്‌സിഡന്റ് കെയര്‍ ആന്റ് ട്രാന്‍സ്‌പോര്‍ട്ട് സര്‍വ്വീസ് ആക്ട്‌സ്  വടക്കാഞ്ചേരി ബ്രാഞ്ചിന് അഞ്ച് വയസ്. 24 മണിക്കൂറും സേവനം നടത്തി വരുന്ന ഈ സംഘടനയ്ക്ക് റോഡപകടങ്ങളിലും മറ്റ് അടിയന്തര ഘട്ടങ്ങളിലുമായി 1200 ഓളം രക്ഷാ പ്രവര്‍ത്തനങ്ങള്‍ നടത്താന്‍ കഴിഞ്ഞിട്ടുണ്ട്. റോഡ് സുരക്ഷാ ബോധവല്‍ക്കരണം മെഡിയ്ക്കല്‍ ക്യാംപുകള്‍, രക്തദാനം എന്നിവയും സംഘടിപ്പിച്ചു. അഞ്ചാം വാര്‍ഷിക സമ്മേളനം മുള്ളൂര്‍ക്കര എന്‍.എസ്.എസ് ഓഡിറ്റോറിയത്തില്‍ വെച്ച് നടന്നു.  മുള്ളൂര്‍ക്കര പഞ്ചായത്ത് പ്രസിഡന്റ് എം എച്ച് അബ്ദുള്‍ സലാം ഉദ്ഘാടനം ചെയ്തു.  ബ്രാഞ്ച് പ്രസിഡന്റ്  വി. വി ഫ്രാന്‍സീസ് അധ്യക്ഷനായി.  ആക്ട്‌സ് ജനറല്‍ സെക്രട്ടറി ഫാ.. ഡേവീസ് ചിറമ്മല്‍ മുഖ്യ പ്രഭാഷണം നടത്തി. വടക്കാഞ്ചേരി സി.ഐ ടി.എസ്. സിനോജ്, ഫാ. ഡോ. ചാക്കോ ചിറമ്മല്‍  മോഹനന്‍ അവണപറമ്പ്, വി. അനിരുദ്ധന്‍  സംസാരിച്ചു  സി. എസ് നൗഫല്‍ സ്വാഗതവും, എന്‍. എ അബ്ദുള്‍ ഗഫൂര്‍  നന്ദിയും പറഞ്ഞു. ഉദ്ഘാടനത്തിന് മുന്നോടിയായി ഫാ. ഡേവിസ് ചിറമ്മലിന്റെ നേതൃത്വത്തില്‍ വാഴക്കോടു നിന്ന്  മുള്ളൂര്‍ക്കരയിലേക്ക് ഇരുചക്രവാഹനറാലി നടന്നു. രക്ഷാ പ്രവര്‍ത്തനങ്ങള്‍ക്ക് നേതൃത്വം നല്‍കിയവരെ ചടങ്ങില്‍ വെച്ച് ഉപഹാരം നല്‍കി അനുമോദിച്ചു.