തിരുവനന്തപുരം: കെ.എസ്.യു നേതാവിന്റെ വീടിന് നേരെ ആക്രമണം. തിരുവനന്തപുരം ജില്ലാ സെക്രട്ടറി അനന്തകൃഷ്ണന്റെ വീടാണ് ആക്രമിച്ചത്. വീടിനു നേരെ ബിയര്‍കുപ്പി എറിഞ്ഞു. ആക്രമണത്തില്‍ വീടിന്റെ ജനല്‍ചില്ലുകള്‍ തകര്‍ന്നു.

കെ.പി.സി.സി ഓഫീസ് ആക്രമിച്ചതില്‍ പ്രതിഷേധിച്ച് അനന്തകൃഷ്ണന്‍ സി.പി.എം കൊടി കത്തിച്ചിരുന്നു. ഇതിന് പിന്നാലെ സമൂഹ മാധ്യമങ്ങളില്‍ അനന്തകൃഷ്ണന് നേരെ വ്യാപക പ്രതിഷേധങ്ങളുണ്ടായിരുന്നു.

അതേസമയം, സംസ്ഥാനത്ത് കോണ്‍ഗ്രസ് ഓഫിസുകള്‍ക്ക് നേരെയുള്ള അക്രമം തുടരുകയാണ്. കോഴിക്കോട് കുറ്റ്യാടി അമ്പലത്തുകുളങ്ങര മണ്ഡലം കമ്മിറ്റി ഓഫിസിനു നേരെ ഇന്നലെ രാത്രി ബോംബേറുണ്ടായി. ആക്രമത്തില്‍ ഓഫിസിന്റെ ജനല്‍ചില്ലുകള്‍ തകര്‍ന്നു.