വാഷിങ്ടണ്‍: ബി.ജെ.പി നേതാക്കളുടെ പ്രവാചകാ നിന്ദ പരാമര്‍ശത്തെ അപലപിച്ച് യു.എസ്.

'രണ്ട് ബി.ജെ.പി നേതാക്കളുടെ വിദ്വേഷ പരാമര്‍ശത്തെ ഞങ്ങള്‍ അപലപിക്കുന്നു. ഇതിനെ പാര്‍ട്ടി പരസ്യമായി അപലപിച്ചതിനെ സ്വാഗതം ചെയ്യുന്നു' സ്‌റ്റേറ്റ് ഡിപാര്‍ട്‌മെന്റ് വക്താവ് നെദ് പ്രൈസ് റിപ്പോര്‍ട്ടര്‍മാരോട് പറഞ്ഞു.

ബിജെപി വക്താവായിരുന്ന നുപുര്‍ ശര്‍മ ഒരു ചാനല്‍ ചര്‍ച്ചക്കിടെ പ്രവാചകനെതിരെ നടത്തിയ പരാമര്‍ശങ്ങളാണ് വിവാദമായത്. പ്രവാചകനെ അധിക്ഷേപിച്ചതിനെതിരെ സഊദി, ഖത്തര്‍, ഒമാന്‍, കുവൈത്ത് തുടങ്ങിയ രാജ്യങ്ങള്‍ പ്രതിഷേധവുമായി രംഗത്തെത്തിയിരുന്നു. ഇതിന് പിന്നാലെ നുപുര്‍ ശര്‍മയെ ബിജെപി പ്രാഥമികാംഗത്വത്തില്‍നിന്ന് സസ്‌പെന്‍ഡ് ചെയ്തിരുന്നു.