കോഴിക്കോട്: കോഴിക്കോട് റെയില്‍വേ സ്‌റ്റേഷനില്‍ കെട്ടിടം തകര്‍ന്നുവീണ് അപകടം. രണ്ടാം നമ്പര്‍ പ്ലാറ്റ്‌ഫോമിലെക്കാണ് ക്ലോക്ക് ടവര്‍ തകര്‍ന്നുവീണത്. യാത്രക്കാര്‍ ഇല്ലാതിരുന്നതിനാല്‍ വന്‍ അപകടമാണ് ഒഴിവായത്.

അപകടത്തിന് പിന്നാലെ 1,2,3 പ്ലാറ്റ്‌ഫോമിലെ വൈദ്യുതി റദ്ദാക്കി. ട്രെയിനുകള്‍ വൈകി ഓടാന്‍ സാധ്യത.

ഇന്ന് രാവിലെ 11.10 ഓടെയാണ് സംഭവം. ഉച്ചയ്ക്ക് 2.05 ന് പുറപ്പെടേണ്ടിയിരുന്ന കോഴിക്കോട്-കണ്ണൂര്‍ പാസഞ്ചര്‍ ട്രെയില്‍ പ്ലാറ്റ്‌ഫോമില്‍ ഉള്ളപ്പോഴാണ് അപകടം നടന്നത്. ഈ ട്രെയിന്‍ അടച്ചിട്ടിരിക്കുകയായിരുന്നു. ഇവിടെയുണ്ടായിരുന്ന ചില ജീവനക്കാര്‍ ഓടിമാറുകയും ചെയ്തു. 

ഒരു നൂറ്റാണ്ടിലേറെ പഴക്കമുള്ള കെട്ടിടത്തിന്റെ ശോചനീയാവസ്ഥ സംബന്ധിച്ച് നേരത്തെ മുന്നറിയിപ്പ് നല്‍കിയിരുന്നുതായാണ് വിവരം.