തിരുവനന്തപുരം: കാപ്പ ചുമത്തപ്പെട്ട് ജയിലില്‍ കഴിയുന്ന തിരുവനന്തപുരം കോര്‍പറേഷനിലെ ബി.ജെ.പി അംഗം സുഗതന് ഇടക്കാല ജാമ്യം അനുവദിച്ച് കോടതി. രണ്ട് കേസുകളിലാണ് നെടുമങ്ങാട് ഫസ്റ്റ് ക്ലാസ് മജിസ്‌ട്രേറ്റ് കോടതി ഇടക്കാല ജാമ്യം അനുവദിച്ചത്. ജുലൈ 13 വൈകീട്ട് 5 മണിമുതല്‍ ജൂലൈ 14 രാത്രി 9 മണിവരെയാണ് ജാമ്യം. 

പൊലിസ് ഉദ്യോഗസ്ഥരേ ആക്രമിച്ച കേസിലും ക്ഷേത്രോത്സവത്തിനിടെ കുളുമല സ്വദേശി പ്രശാന്തിനെ മര്‍ദിച്ച കേസിലുമാണ് ജാമ്യം തേടിയിരുന്നത്.

വധശ്രമം ഉള്‍പ്പെടെയുള്ള വകുപ്പുകളാണ് ആര്‍. സുഗതനെതിരേ ചുമത്തിയിരിക്കുന്നത്. കാപ്പ നിയമപ്രകാരം അറസ്റ്റ് ചെയ്ത സുഗതനെ നേരത്തെ കോടതി റിമാന്‍ഡ് ചെയ്ത് വിയ്യൂര്‍ ജയിലിലേക്ക് മാറ്റിയിരുന്നു.

തിരുവനന്തപുരം കോര്‍പ്പറേഷനില്‍ സത്യപ്രതിജ്ഞ അസാധുവാക്കപ്പെട്ട 20 ബി.ജെ.പി കൗണ്‍സിലര്‍മാരില്‍ ഒരാളാണ് സുഗതന്‍. സുഗതന് സത്യപ്രതിജ്ഞ ചെയ്യാന്‍ ഒരു ദിവസത്തെ ഇളവ് ആവശ്യപ്പെട്ട് കോടതിയെ ബി.ജെ.പിയും കോടതിയെ സമീപിച്ചിരുന്നു. 

അതേസമയം, ഇടക്കാല ജാമ്യം ലഭിച്ചെങ്കിലും കാപ്പ പ്രകാരം ജയിലില്‍ കഴിയുന്നതിനാല്‍ ആ വകുപ്പ് പ്രകാരമുള്ള ഇളവുകൂടി ലഭിച്ചാല്‍ മാത്രമേ സുഗതന് പുറത്തിറങ്ങാന്‍ കഴിയുകയുള്ളൂ. അത് ഹൈക്കോടതിയില്‍ നിന്നാണ് ലഭിക്കേണ്ടത്. തിരുവനന്തപുരം നഗരസഭയിലെ വാഴാട്ടുകോണം വാര്‍ഡ് കൗണ്‍സിലറാണ് സുഗതന്‍. 

The BJP received temporary relief after Thiruvananthapuram councillor Sugathan was granted interim bail by the court. The order provides temporary legal relief to the councillor while proceedings in the case continue. Further hearings are expected as the court considers the matter in detail.